राजधानीत सामसूम

आजच्या गोवा बंद निमित्ताने राजधानी पणजीत पसरलेला सन्नाटा इंग्रजी माध्यम विरोधातील जनतेच्या तीव्र भावनांची प्रचिती करून देणाराच ठरला. पणजीकरांनी स्वखुषीने या बंदात सहभागी होऊन राजधानीच ठप्प करून टाकली. पणजी बाजारासह शहरातील सर्व दुकाने, पेट्रोल पंप, शाळा, वाहतूक व्यवस्था व आस्थापने बंद होती. पणजी कदंब स्थानकावर अनेक प्रवासी बसेस अभावी अडकून पडले होते. या बंदमुळे पर्यटकांची मात्र बरीच गैरसोय झाली. शहरातील हॉटेल्स तथा रेस्टॉरंट बंद राहिल्यामुळे अनेकांची उपासमार झाली. कदंबने काही बसेस पोलिस संरक्षणात सुरू केल्या मात्र त्यात प्रवासी नसल्याने त्या रिकामीच धावत होत्या.