Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Monday 2 May, 2011

कारने धडक दिल्याने रायबंदर येथे वृद्ध ठार

पणजी, दि. १ (प्रतिनिधी)
सापेर रायबंदर येथे आज सकाळी ‘मॉर्निंग वॉक’ला गेलेल्या संभाजी गावकर (५१) व योगानंद आर्सेकर या दोघांना स्विफ्ट कारने जोरदार धडक दिली. यावेळी जखमी अवस्थेत दोघांना गोवा वैद्यकीय महाविद्यालय इस्पितळात उपचारासाठी दाखल केले असता संभाजी यांचे निधन झाले. तर, योगानंद यांच्यावर उपचार सुरू असल्याची माहिती जुने गोवे पोलिसांनी दिली. या अपघाताला कारणीभूत ठरलेला कारचालक सचिन चव्हाण याला पोलिसांनी अटक करून जामिनावर सोडून दिले.
अधिक माहितीनुसार संभाजी व योगानंद हे दोघे वृद्ध आज सकाळी ५.३० वाजता सापेर येथे मॉर्निग वॉकला गेले होते. यावेळी स्फिट कार (एमएच ३१ टीई ७३३१) ही पणजी येथून फोंडाच्या दिशेने जात होती. यावेळी रस्त्यावर जाणार्‍या या दोघांना धडक दिली. यात दोघेही गंभीर जखमी झाले. तातडीने त्यांना इस्पितळात दाखल केले असता एकाचा मृत्यू झाला. पोलिसांनी पंचनामा करून वाहन चालकाला अटक केली व जामिनावर सोडून दिले. याविषयीचा अधिक तपास जुने गोवे पोलिस करीत आहेत.

No comments: