‘पीएसी’ अहवाल सभापतींना सादर

नवी दिल्ली, दि. ३० : २-जी स्पेक्ट्रम घोटाळ्याच्या तपासाचा मसुदा अहवाल कॉंग्रेस, द्रमुक, सपा व बसपा सदस्यांनी ङ्गेटाळून लावल्यामुळे जराही विचलित न होता लोकलेखा समितीचे (पीएसी) अध्यक्ष डॉ. मुरली मनोहर जोशी यांनी आपला मसुदा अहवाल लोकसभेच्या सभापती मीराकुमार यांच्याकडे सादर केला. डॉ. जोशी यांचा पीएसीच्या अध्यक्षपदाचा कार्यकाळ आज संपत आहे, हे विशेष.
डॉ. जोशी यांनी एका पत्रासह हा मसुदा अहवाल अधिकार्‍यांच्या माध्यमातून मीरा कुमार यांच्या कार्यालयाकडे पाठविला असल्याचे लोकसभेच्या सूत्रांकडून सांगण्यात आले. पीएसीच्या सोमवारी झालेल्या वादळी बैठकीत पंतप्रधान कार्यालय आणि तत्कालीन अर्थमंत्री पी. चिदम्बरम् यांच्यावर ताशेरे ओढणारा हा अहवाल बहुमताच्या जोरावर ङ्गेटाळून लावण्यात आला होता. आपण ही बैठक तहकूब केल्याचा दावा डॉ. जोशी यांनी केला होता, तर याउलट डॉ. जोशी बाहेर निघून गेल्याने सैङ्गुद्दीन सोझ यांची पीएसीच्या अध्यक्षपदी निवड करण्यात आल्याचे कॉंग्रेस सदस्यांचे म्हणणे आहे.
अहवाल संसदेत मांडला जावा : डॉ. जोशी
दरम्यान, पीएसीचा अहवाल ङ्गेटाळून लावण्यात आला असल्याचा संपुआ सदस्यांचा दावा डॉ. मुरली मनोहर जोशी यांनी खोडून काढला असून, लोकसभेच्या सभापती मीरा कुमार हा अहवाल स्वीकारून तो संसदेत सादर करतील, अशी अपेक्षा व्यक्त केली आहे. समितीच्या ११ सदस्यांनी हा अहवाल ङ्गेटाळला असे म्हणणे पूर्णपणे चुकीचे आणि घटनाबाह्य आहे, असे डॉ. जोशी अहवाल सादर केल्यानंतर आयोजित पत्रकार परिषदेत बोलताना म्हणाले.
घटनेने अधिकार दिलेल्या पीएसीसारख्या समितीच्या कारभारात अडथळे आणण्याचा प्रयत्न सरकारकडून होत आहे, असा आरोप डॉ. जोशी यांनी यावेळी केला आणि या समितीने एखाद्या पक्षाच्या धोरणानुसार कार्य करावे अशी अपेक्षा आहे का, असा प्रश्‍न उपस्थित केला. समितीपुढे साक्ष देणार्‍या साक्षीदारांना सत्तारूढ सदस्यांनी कुठल्याही प्रश्‍नाचे उत्तर देण्यास मनाई केली होती, असा गौप्यस्ङ्गोटही डॉ. जोशी यांनी यावेळी केला. समितीनेच साक्षीदारांना साक्ष देण्यास मनाई केल्यास प्रश्‍नोत्तरास काही अर्थच उरत नाही. त्यामुळे पीएसीच्या सदस्यांनी ज्या प्रकारचे वर्तन केले ते अत्यंत दुर्दैवी आहे, असेही ते पुढे म्हणाले.