Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Monday 2 May, 2011

म्हायमोळे वास्कोत ४.५० लाखांची चोरी

वास्को, दि. १ (प्रतिनिधी)
घरात कोणीही नसल्याची संधी साधत म्हायमोळे, वास्को येथील श्रीराम शेट्ये यांच्या फ्लॅटच्या मुख्य दरवाजाची कडी तोडत चोरट्यांनी सोन्याचे ऐवज व रोख रक्कम मिळून चार लाख पन्नास हजाराची मालमत्ता लंपास केली. काल (दि. ३०) रात्री ७ ते आज सकाळी ८ च्या दरम्यान हा चोरीचा प्रकार घडला. काल श्री. शेट्ये यांची पत्नी मुलासह माहेरी तर श्रीराम हे मित्राकडे राहण्यास गेले. सकाळी ते फ्लॅटवर येऊन पाहतात तेव्हा हा प्रकार त्यांना दिसला. वास्को पोलिसांना याबाबत त्यांनी माहिती दिली. पोलिसांनी पाहणी केली अशता बेडरूममधील दोन कपाटे फोडून आतील सामान लंपास केल्याचे समजले. यात दोन सोन्याचे तोडे, दोन जोडी सोन्याच्या बांगड्या, सोन्याची सरफळी, चार सोन्याच्या अंगठ्या तसेच इतर सोन्याचे ऐवज व चार हजारांची रोख रक्कम मिळून एकूण ४ लाख ५० हजारांच्या मालमत्तेचा समावेश आहे. रात्री उशिरापर्यंत या प्रकरणाबाबत कुठल्याच प्रकारचा शोध लागू शकला नाही. पोलिसांनी अज्ञातांविरोधात गुन्हा नोंद केला असून निरीक्षक ब्राज मिनेझीस यांच्या मार्गदर्शनाखाली उपनिरीक्षक जॉन फर्नांडिस तपास करीत आहेत.

No comments: