पणजी, दि. १३ (प्रतिनिधी): करोडो रुपयांचे विदेशी चलन घेऊन दुबईला जाताना मुंबई विमानतळावर ताब्यात घेण्यात आलेले गोव्याचे शिक्षणमंत्री बाबूश मोन्सेरात यांना महाराष्ट्र जकात खात्याने ५ लाख रुपयांचा दंड ठोठावला असून २ लाख रुपयांच्या सक्त वसुलीचा आदेश दिला आहे.
गेल्या २ फेब्रुवारी २०११ रोजी विदेशात जाताना बाबूश मोन्सेरात व त्यांच्या अन्य एका साथीदाराला मुंबई विमानतळावर ताब्यात घेण्यात आले होते. त्यावेळी त्यांच्याकडे करोडो रुपयांचे बेहिशेबी भारतीय तसेच विदेशी चलन सापडले होते. सूत्रांनुसार बाबूश मोन्सेरात यांना गोव्यात विदेशी चलन उपलब्ध करून देणार्या सराफी व्यावसायिकाचीही सक्त वसुली संचालनालयामार्फत चौकशी केली जाणार आहे. बाबूश यांना बेकायदेशीररीत्या त्या व्यक्तीने हे चलन उपलब्ध करून दिले असून त्याच्याविरुद्धही गुन्हा नोंद केला जाणार असल्याचे सूत्रांनी सांगितले. बाबूश यांच्याकडे १ कोटी रुपयांचे विदेशी चलन आणि २५ लाख रुपयांचे भारतीय चलन आढळून आले होते.
Saturday 14 May, 2011
Subscribe to:
Post Comments (Atom)
No comments:
Post a Comment