बारावीचा निकाल १८ मे रोजी

पणजी, दि. १३ (प्रतिनिधी): गोवा राज्य माध्यमिक आणि उच्च माध्यमिक शिक्षण मंडळाने घेतलेल्या बारावीच्या परीक्षांचा निकाल बुधवार दि. १८ मे रोजी जाहीर करण्यात येणार आहे. पहिल्यांदाच ‘ग्रेडींग’ पद्धतीचा वापर केला गेलेला हा निकाल दुपारी ३ वाजता जाहीर होणार आहे. राज्यातील विविध उच्चमाध्यमिक विद्यालयांतून यंदा बारावीच्या परीक्षेसाठी १३,७६५ विद्यार्थी बसले असून यात ६,५९३ मुलगे व ७,१७२ मुलींचा समावेश आहे. दरम्यान, दहावीच्या निकालाची तारीख मात्र अद्याप ठरलेली नसून येत्या काही दिवसांत ती नक्की करण्यात येईल, अशी माहिती पर्वरी येथील शिक्षण मंडळाच्या कार्यालयातून देण्यात आली.