पणजी, दि. १९ : भारतीय जनता पक्ष महिला मोर्चाच्या राष्ट्रीय अध्यक्ष स्मृती इराणी गुरुवार दि. २१ एप्रिल रोजी गोवा भेटीवर येत आहेत. राष्ट्रीय अध्यक्षपदी निवड झाल्यानंतर इराणी यांचा हा पहिलाच गोवा दौरा आहे. यानिमित्ताने गुरुवार २१ रोजी दुपारी ३ वा. गोमंतक मराठा समाज सभागृह पणजीत गोवा महिला मोर्चा मंडल समिती तसेच भाजप महिला कार्यकर्त्यांचा भव्य मेळावा आयोजित केला आहे.
या मेळाव्यात भाजप प्रदेशाध्यक्ष प्रा. लक्ष्मीकांत पार्सेकर, उत्तर गोवा खासदार श्रीपाद नाईक, विरोधी पक्षनेते मनोहर पर्रीकर, प्रदेश सरचिटणीस प्रा. गोविंद पर्वतकर, प्रदेश महिला मोर्चा अध्यक्षा कुंदा चोडणकर तसेच अन्य पदाधिकारी उपस्थित राहणार आहेत. मेळाव्यात सध्याची राजकीय स्थिती, महिलांच्या समस्या, पक्ष संघटना मजबूत करणे, आदी विषयांवर चर्चा करण्यात येणार आहे. यावेळी मोठ्या संख्येने उपस्थित राहाण्याचे आवाहन मोर्चाच्या अध्यक्षा सौ. चोडणकर यांनी केले आहे.
Wednesday 20 April, 2011
Subscribe to:
Post Comments (Atom)
No comments:
Post a Comment