Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Wednesday 28 July, 2010

स्वाईन फ्लूचा रुग्ण केप्यात सापडला

मडगाव, दि. २७ (प्रतिनिधी): केपे येथे चार दिवसांपूर्वी उपचारासाठी आलेल्या त्या व्यक्तीला स्वाईन फ्लूची बाधा झाल्याचा अहवाल आज आल्यामुळे साधारण दोन महिन्यांनी दक्षिण गोव्यात पुन्हा या साथीची भीती निर्माण झाली आहे.
सदर रुग्णाच्या रक्ताचा नमुना तपासणीसाठी पाठविला होता, त्याचा अहवाल सकारात्मक आल्याची माहिती सूत्रांनी दिली. सदर रुग्णाला सध्या पणजी येथील क्षयरोग रुग्णालयात दाखल केले असून त्याच्या प्रकृतीत लक्षणीय सुधारणा होत आहे. तो राहत असलेल्या भागात आवश्यक ते प्रतिबंधक उपाय योजना घेण्यात आल्या आहेत, असेही सांगण्यात आले.
सूत्रांनी दिलेल्या माहितीप्रमाणे दक्षिण गोव्यात साधारण दोन दोन महिन्यांनी एकेक रुग्ण आढळून येत आहे. यापूर्वी मार्चमध्ये एक, त्यानंतर मे महिन्यात दुसरा व आता जुलैच्या उत्तरार्धात तिसरा रुग्ण सापडला आहे. सर्व तिघेही बाहेरून गोव्यात आलेले आहेत.

No comments: