मडगाव, दि. २६(प्रतिनिधी): माजी आमदार कृष्णनाथ बाबूराव नाईक यांच्या पार्थिवावर आज सकाळी येथील स्मशानभूमीत अंत्यसंस्कार करण्यात आले. यावेळी राजकीय व सामाजिक क्षेत्रातील मंडळी मोठ्या संख्येने उपस्थित होती. त्यांचे पुत्र विवेक व सुनील यांनी चितेस अग्नी दिला.
तत्पूर्वी सकाळी इस्पितळातून मृतदेह शवागारातून घोगळ येथील निवासस्थानी आणण्यात आला असता लोकांनी अंत्यदर्शन घेतले. मुख्यमंत्री दिगंबर कामत यांनी अंत्यदर्शन घेतले व पुष्पचक्र वाहिले. गृहमंत्री रवी नाईक, वीजमंत्री आलेक्स सिक्वेरा, बांधकाममंत्री चर्चिल आलेमाव, विरोधी पक्षनेते मनोहर पर्रीकर, माजी मुख्यमंत्री शशिकला काकोडकर, आमदार दामू नाईक व महादेव नाईक, नगराध्यक्ष साव्हियो कुतिन्हो, नगरसेवक, प्रदेश कॉंग्रेसचे अध्यक्ष सुभाष शिरोडकर, माजी मंत्री मामा कार्दोझ, जिल्हाधिकारी जी. पी. नाईक, गोवा क्षत्रिय भंडारी समाजाचे अध्यक्ष मधुकर पोकू नाईक यांचाही अंत्यदर्शन घेणाऱ्यात समावेश होता.
स्मशानभूमीतही विविध क्षेत्रातील मंडळी तसेच क्षत्रिय भंडारी समाजाचे प्रमुख नेते तसेच विविध संस्थांचे प्रतिनिधी उपस्थित होते.
Friday 27 August, 2010
Subscribe to:
Post Comments (Atom)
No comments:
Post a Comment