Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Monday 23 August, 2010

वाजपेयींची नियमित वैद्यकीय तपासणी

नवी दिल्ली, दि. २२ ः माजी पंतप्रधान अटलबिहारी वाजपेयी यांची आज येथील अखिल भारतीय आयुर्विज्ञान संस्थेत (एम्स) नियमित वैद्यकीय तपासणी करण्यात आली. ८६ वर्षीय वाजपेयी यांना वयोमानाप्रमाणे होणाऱ्या अनेक व्याधींनी ग्रासले आहे. आज सकाळी १०.४५ च्या सुमारास वाजपेयींना एम्समध्ये नेण्यात आले. त्याठिकाणी सुमारे दीड तासपर्यंत त्यांच्यावर विविध चाचण्या करण्यात आल्या. वाजपेयींची प्रकृती उत्तम असल्याचे त्यांच्यावर उपचार करणाऱ्या डॉक्टरांनी त्यांची वैद्यकीय तपासणी केल्यानंतर सांगितले. या चाचणीदरम्यान वाजपेयींच्या श्वसननलिकेची ट्यूब बदलण्यात आली. ट्यूब बदलण्याची ही नियमित प्रक्रिया असून, कुठल्याही प्रकारचा संसर्ग होऊ नये हा त्यामागचा उद्देश आहे, अशी माहिती एम्सच्या औषधशास्त्र विभागाचे प्राध्यापक रणदीप गुलेरिया यांनी सांगितले आहे.

No comments: