१२ मार्चपासून राज्यात ठिकठिकाणी शिमगोत्सव

पणजी, दि.२६ (प्रतिनिधी) - पर्यटन खात्याने शिमगोत्सवाचे राज्यात आयोजन करण्यासाठी आज मिरामार रेसिडेन्सीमध्ये बैठक घेऊन, १२ मार्चपासून ठिकठिकाणी शिमगोत्सव साजरा करण्याचे ठरविले. गोवा पर्यटन महामंडळाचे अध्यक्ष श्याम सातार्डेकर व उपाध्यक्ष लिंडन मोंतेरो याच्या अध्यक्षतेखाली झालेल्या या बैठकीला १४ केंद्रातील प्रतिनिधी उपस्थित होते.
१२ मार्च रोजी फोंडा, १३ रोजी कुडचडे, १४ रोजी पणजी, १५ रोजी म्हापसा, १६ रोजी वास्को, १७ रोजी डिचोली, १८ रोजी साखळी, १९ रोजी वाळपई, २० रोजी पेडणे, २१ रोजी केपे, २२ रोजी मडगाव, २३ रोजी सांगे, २४ रोजी कुंकळ्ळी व २५ रोजी काणकोण येथे शिमगोत्सव होईल.