अमर नाईक
कुडचडे, दि. ६ - सेझा गोवा कंपनीने धेंपो उद्योगसमूहाकडून खाणी विकत घेतल्यानंतर आता आणखी एका नामवंत खाण कंपनीकडून खाणी खरेदी करण्यासाठी बोलणी चालवली आहेत. यासंबंधी जोरदार हालचाली सुरू असल्याचे खात्रिलायक सूत्रांकडून समजते.
वास्को येथे मुख्यालय असलेल्या या उद्योगसमूहाकडे सेझा कंपनीने राज्यातील सर्व खाणी खरेदी करण्याचा प्रस्ताव ठेवला आहे. त्यानुसार दोन्ही कंपन्यांच्या वरिष्ठ अधिकाऱ्यांमध्ये बोलणीही सुरू झाली आहेत. राज्यातील खनिज साठा १५ ते १७ वर्षे चालेल एवढाच शिल्लक असल्याचे खाण कंपन्यांकडून सांगण्यात येते.तथापि प्रत्यक्षात हा साठा संपुष्टात आल्याचे मानले जाते. सध्या राजकीय नेते विशेषतः मंत्री या उद्योगांमध्ये गुंतले असून, ठिकठिकाणी नव्या खाणी सुरू झाल्याचे दिसते. मध्यंतरी चीनकडून आलेली मोठी मागणी पूर्ण करण्यासाठी स्थानिक खाणींवरून मातीसह माल पाठवण्यात आला, काही दिवसांनी ही गोष्ट तेथील आयातदारांच्या लक्षात आल्यावर मालाचा दर खाली आणण्यात आला आहे. याचा फटका गोव्यासह अन्य राज्यांनाही बसला. या स्थितीतही सेझा कंपनीने स्थानिकांच्या खाणी खरेदी करण्याचे ठरविले असून अनेक लहान खाणमालक करोडो रुपयांच्या बदल्यात हा व्यवहार पूर्ण करण्याच्या बेतात आहेत. वास्कोतील मोठा उद्योगसमूहही त्याच मार्गाने चालला आहे.
Tuesday 7 July, 2009
Subscribe to:
Post Comments (Atom)
1 comment:
It is illegal to sale a mine/lease by the so-called owner who is actually a lease holder, and the land belongs to Govt. A Mine owner can sell his property such as Building, plants, machineries, etc. but he cannot transfer the lease which is non-transferable.
In accordance with Mines Concession Rules, 1960, mining lease is not transferable and requires permission from the Central Govt.
However, observing how things are handled by Mining Dept. and Goa Govt. when it comes to Mining Lobby, no legal action can be expected from them.
Post a Comment