फोंडा, दि.२० (प्रतिनिधी): फर्मागुडी येथे एका कार्यक्रम स्थळी पार्किंग करून ठेवलेल्या पाच गाड्यांना आज (दि.२०) संध्याकाळी ४ च्या सुमारास आग लागल्याने मोठे नुकसान झाले आहे.
फर्मागुडी येथे एका कार्यक्रमासाठी आलेल्या लोकांनी वाळलेले गवत असलेल्या मैदानावर मोठ्या प्रमाणात वाहने पार्क केली होती. त्यातील मध्यभागी असलेल्या पाच गाड्यांना आग लागली. फोंडा अग्निशामक दलाच्या जवानांनी वेळीच घटनास्थळी धाव घेऊन आगीवर नियंत्रण मिळविल्याने बरेच नुकसान टळले आहे. आग लागलेल्या गाड्यामध्ये बॉलेरो, मार्टीझ, मारुती व्हॅन, मारुती झेन आणि मारुती एसएक्सएफ या पाच गाड्यांचा समावेश आहे. या आगीत वरील पाचही गाड्या जळून भस्मसात झाल्या आहेत. आगीचे नेमके कारण समजू शकले नाही, असे अग्निशामक दलाच्या सूत्रांनी सांगितले.फोंडा केंद्राचे उपअधिकारी राहुल देसाई यांच्या मागदर्शनाखाली जवानांनी आग विझविण्याचे काम केले.
Monday 21 February, 2011
Subscribe to:
Post Comments (Atom)
No comments:
Post a Comment