म्हापसा, दि. १ (प्रतिनिधी)ः कोलवाळ बिनानीजवळ ट्रकने ठोकर दिल्याने दुचाकीचालक जिवाजी नाईक (आरोंदा, सावंतवाडी) याला गंभीर दुखापत झाली. "रॉबर्ट' वाहनावरून त्याला उपचारासाठी ऑझिलोत नेण्यात आले असता मृत घोषित करण्यात आले.
यासंदर्भात हवालदार लवू परोब यांनी दिलेल्या माहितीनुसार, आज सकाळी ९.४० वाजता हिरो होंडा (जीए ०४ बी ३०६५) दुचाकीवरून जिवाजी नाईक व स्वराज माझडा टिपर (जीए ०३ टी ७२४७) म्हापशाच्या दिशेने चालले होते. यावेळी दुचाकीला मागे टाकण्याच्या प्रयत्नात टिपरने तिला धडक दिली. यावेळी दुचाकीचालक रस्त्यावर फेकला गेला. त्याला रॉबर्ट वाहनावरून इस्पितळात नेण्यात आले असता मृत घोषित करण्यात आले. उपनिरीक्षक संदीप केसरकर यांच्या मार्गदर्शनाखाली लवू परोब यांनी पंचनामा केला. मृतदेह शवचिकित्सेसाठी बांबोळी येथे पाठवण्यात आला आहे.
Saturday 2 October, 2010
Subscribe to:
Post Comments (Atom)
No comments:
Post a Comment