माधुरी गुप्ताच्या कोठडीत वाढ

नवी दिल्ली, दि. २९ - पाकिस्तानसाठी हेरगिरी केल्याप्रकरणी पकडण्यात आलेल्या माधुरी गुप्ताच्या न्यायालयीन कोठडीत न्यायालयाने वाढ केली आहे. मुख्य शहर न्यायदंडाधिकारी कावेरी बावेजा यांनी माधुरीला १४ मेपर्यंत न्यायालयीन कोठडी दिली आहे.
भारताच्या पाकमधील दुतावासात जनसंपर्क विभागात माधुरी कार्यरत होती. मात्र गेल्या काही महिन्यांपासून पैशांसाठी ती हेरगिरी करत होती. पाकिस्तानात आयएसआयच्या अधिकाऱ्यांना भारताची महत्त्वाची माहिती पुरवण्याचे काम ती करत होती. संशय आल्यामुळे माधुरीला एप्रिल महिन्यात भारतात बोलावण्यात आले आणि राहत्या घरातून अटक करण्यात आली होती.