स्वात खोऱ्यात तालिबानने पाकिस्तानी लष्कराला रोखले

पाकिस्तानात अगदी मोकाटपणे दहशतवादी कारवाया करून लोकांवर अत्याचार करणाऱ्या तालिबानचे धाडस आता असे काही वाढले असून त्यांनी पाक लष्करालाच आता आव्हान देणे सुरू केले आहे. स्वात खोऱ्यात तालिबानी अतिरेक्यांनी लष्कराच्या गाड्या अडविल्या. तसेच कयानी यांनी दिलेल्या "अल्टीमेटम'चाही त्यांच्यावर कोणताही परिणाम झालेला दिसत नाही. अगदी बिनधोकपणे अतिरेक्यांच्या कारवाया सुरूच आहेत.
तालिबानी अतिरेक्यांनी पाकिस्तानी लष्करालाच स्वात खोऱ्यात रोखले असून त्यांची शस्त्रे व गाड्या आपल्या ताब्यात घेतल्या आहेत. लष्करी जवानांनाही त्यांनी ओलीस ठेवल्याची माहिती लष्करी सूत्रांनी दिली आहे.