पणजी, दि. २२ (प्रतिनिधी) : गोवा श्रमिक पत्रकार संघटनेची ("गुज') निवडणूक येत्या ३० एप्रिल रोजी होणार असून अध्यक्षपदासाठी 'द हिंदू' चे प्रतिनिधी प्रकाश कामत व "तरुण भारत'चे मुख्य प्रतिनिधी सागर जावडेकर यांनी अर्ज सादर केले आहेत. सदर निवडणुकीसाठी सकाळी ८ ते १२ यादरम्यान मतदान होणार आहे.
कार्यकारी मंडळाच्या सदस्यपदासाठी प्रीतेश देसाई, सुदेश आर्लेकर, विठ्ठलदास हेगडे, सागर जावडेकर, नंदेश कांबळी, सोयरू कोमरपंत, सोमनाथ मैत्री, सदगुरू पाटील, लीना पेडणेकर, सुहासिनी प्रभुगावकर, औदुंबर शिंदे, सुरेश वडावडेकर, प्रशांत वेरेकर, आणि संजू वेरेकर यांनी अर्ज सादर भरले आहेत. सर्वांचे अर्ज ग्राह्य ठरले असून २४ एप्रिल रोजी दुपारी १२ पर्यंत अर्ज मागे घेण्याची मुदत आहे. ही माहिती निर्वाचन अधिकारी फ्लावियन डायस यांनी दिली.
Thursday 23 April, 2009
Subscribe to:
Post Comments (Atom)
No comments:
Post a Comment