Goa Doot - Goa's Marathi News

के. करुणाकरन यांचे निधन
थिरुवअनंतपुरम, दि. २३
केरळचे मुख्यमंत्रिपद चारवेळा भूषविणारे कॉंगे्रसचे ज्येष्ठ नेते आणि माजी केंद्रीय मंत्री के. करुणाकरन यांचे आज सायंकाळी ५.३० वाजता येथील एका खाजगी रुग्णालयात प्रदीर्घ आजाराने निधन झाले. मृत्युसमयी ते ९३ वर्षांचे होते.
एन. डी. तिवारींची
पैतृत्व चाचणी करा!
दिल्ली हायकोर्टाचे आदेश
नवी दिल्ली, दि. २३
कॉंगे्रसचे ज्येष्ठ नेते एन. डी. तिवारी हेच आपले वडील आहेत, असा दावा करणार्‍या एका तरुणाची सत्यता पडताळून पाहण्यासाठी तिवारी यांची पैतृत्व चाचणी करण्यात यावी, असा आदेश दिल्ली उच्च न्यायालयाने आज दिला. आपली पैतृत्व चाचणी करण्यात येऊ नये, ही तिवारी यांची विनंती न्यायालयाने यावेळी ङ्गेटाळून लावली.
‘पैतृत्व चाचणीची प्रक्रिया पूर्ण करण्यासाठी तिवारी यांनी आपल्या रक्ताचे नमुने द्यायलाच हवे,’ असे न्यायमूर्ती एस. रवींद्रन भट्ट यांच्या एकलपीठाने स्पष्ट केले आहे.
‘आपल्यावर पैतृत्व चाचणीसाठी कुणीही दबाव आणू शकत नाही,’ हा तिवारी यांचा युक्तिवाद न्यायालयाने ङ्गेटाळून लावला. ‘आपले वडील कोण?’ हे जाणून घेण्याचा अधिकार प्रत्येक मुलाला किंवा मुलीला आहे, असे न्यायालयाने यावेळी स्पष्ट केले.
हे योग्य नव्हे!
‘‘समाजाने एखाद्या मुलाला ‘बास्टर्ड’ म्हणणे हे योग्य नाही आणि ही बाब त्या मुलाच्याही हितात नाही,’’ असे दिल्ली उच्च न्यायालयाने आपल्या निकालात म्हटले आहे.