फोंडा, दि.२४ (प्रतिनिधी): अनमोड घाटात आज (दि.२४) संध्याकाळी सव्वा पाचच्या सुमारास एक जीप गाडी उलटून झालेल्या अपघातात सर्फराज खान (५ वर्षे) या मुलाचा जागीच मृत्यू झाला. तो सपनापार्क कुर्टी येथील रहिवासी आहे. गौस खान असे या अपघातात जखमी झालेल्या व्यक्तीचे नाव आहे.
उपलब्ध माहितीनुसार, सपनापार्क कुर्टी येथील खान कुटुंबीय कर्नाटकातील आपल्या मूळ घरी कामानिमित्त गेले होते. आज संध्याकाळी कर्नाटकातून कुर्टी फोंडा येथे परत येत असताना त्यांच्या जीपला अनमोड घाटात अपघात झाला. पावसामुळे रस्ता निसरडा झाला होता. निसरड्या रस्त्यावर जीप उलटल्याने वाहनाचा एक टायर पंक्चर झाला. या अपघातात पाच वर्षीय सर्फराज गंभीर जखमी झाल्याने तो जागीच मरण पावला. जखमी गौस खान याला बांबोळी येथील सरकारी इस्पितळात दाखल करण्यात आला आहे. या अपघातप्रकरणी कुळे पोलिस तपास करीत आहेत.
Sunday 25 April, 2010
Subscribe to:
Post Comments (Atom)
No comments:
Post a Comment