राज्यसभा खासदार शांताराम नाईक यांना विश्वास
पणजी, दि. १४ (प्रतिनिधी) - पणजी दूरदर्शन केंद्रावर प्रादेशिक भाषेत बातमीपत्र सादर करण्यासाठी परवानगी मिळवण्याचे आपले प्रयत्न सुरू असून यासंदर्भात माहिती व प्रसारणमंत्री प्रियरंजन दासमुन्शी यांची परवानगी मिळेल, असा विश्वास राज्यसभेचे खासदार शांताराम नाईक यांनी व्यक्त केला.
पणजी दूरदर्शनच्या नव्या इमारत बांधकामाची पाहणी केल्यानंतर शांताराम नाईक यांनी ही माहिती दिली. या इमारतीत नवा सुसज्ज स्टुडिओ उभारण्यात येणार असून त्याचे सामान सध्या गोव्यात पोहचत असल्याची माहिती त्यांनी दिली. खासदार नाईक यांच्याबरोबर संचालक चंद्रकांत बर्वे,स्टेशन अभियंता उज्ज्वला चंद्रमोर, साहाय्यक अभियंते नागराज, प्रसन्न प्रभुदेसाई, प्रदेश कॉंग्रेसचे सरचिटणीस आल्तिनो गोम्स व उल्हास परब हजर होते.
पणजी दूरदर्शन इमारतीच्या बांधकामाकडे आपले सुरुवातीपासून लक्ष आहे. सध्या व्हिडिओ साहित्य, कॅमेरा, वातानुकूलित यंत्रणा,विद्युत साहित्य आदी अजूनही आणले जाणार असल्याची माहिती त्यांनी दिली. दरम्यान, प्रसारभारतीचे अध्यक्ष भटनागर यांच्याशी दूरध्वनीवरून संपर्क साधून सर्व साहित्य वेळेत पोहचण्याची विनंतीही नाईक यांनी केली.
Sunday 15 June, 2008
Subscribe to:
Post Comments (Atom)
No comments:
Post a Comment