म्हापसा, दि. २६ (प्रतिनिधी): बान्सिओवाडा गिरी येथील श्री भूमिका सातेरी रवळनाथ मंदिरातील खिडकीचे गज वाकवून अज्ञातांनी आतील १० किलो २०० ग्रॅम वजनाची सव्वा लाख किमतीची मूर्ती पळवली. मंदिराचे अध्यक्ष प्रणय शिरोडकर यांनी म्हापसा पोलिसांत याबाबतची तक्रार नोंदवली आहे.
सदर मंदिरात चोरी झाल्याची माहिती मिळताच निरीक्षक राजेशकुमार व उपनिरीक्षक मिलिंद भुईबर यांनी घटनास्थळी भेट देऊन पाहणी केली. मंदिराच्या डाव्या बाजूला असलेल्या खिडकीतून आत प्रवेश करून अज्ञातांनी गर्भकुडीत प्रवेश केला. सदर घटना रात्रीच्या सुमारास घडली असावी असा अंदाज आहे. सकाळी ९ वाजता पुजारी पूजा करण्यासाठी आले असता हा प्रकार उघडकीस आला.
पोलिसांनी ठसेतज्ज्ञ व श्वानपथकांचे साहाय्य घेतले परंतु, कोणताच सुगावा लागला नाही. म्हापसा पोलिस अधिक तपास करत आहेत.
Wednesday 27 October, 2010
Subscribe to:
Post Comments (Atom)
No comments:
Post a Comment