Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Thursday, 28 October, 2010

न्यायालयीन कोठडीत अश्पाक बेंग्रेवर प्राणघातक हल्ला

पणजी व म्हापसा, दि. २७ (प्रतिनिधी)- कुविख्यात गुंड अश्पाक बेंग्रे याला आज सकाळी ९ वाजता न्यायालयात नेण्यात येत असता अन्य एका कैद्याने त्याच्यावर प्राणघातक हल्ला केल्याची घटना घडली. यात अश्पाक याच्या डोळ्याला तसेच कानाला जखम झाल्याने त्याच्यावर म्हापसा येथील आझिलो इस्पितळात उपचार करून पुन्हा न्यायालयीन कोठडीत रवानगी केली. याच म्हापसा न्यायालयीन कोठडीत खुनाच्या गुन्ह्याखाली शिक्षा भोगत असलेल्या अमोल नाईकने अश्पाक याच्यावर हा हल्ला केल्याची माहिती मिळाली आहे. मात्र, या घटनेची रात्री पर्यंत कोणतीही तक्रार नोंद झाली नव्हती. हल्ला तलवारीच्या साहाय्याने करण्यात आला असून अश्पाकच्या नाकाला, डोळ्याखाली, कानाला आणि कंबरेखाली मार लागला असल्याची माहिती सूत्रांनी दिली.
आज सकाळी गुंड अश्पाक बेंग्रे व अमोल नाईक या दोघांना न्यायालयात नेण्यासाठी कोठडीबाहेर नेण्यात आले होते. यावेळी दोघांमध्ये जोरदार बाचाबाची सुरू झाली, याच गोंधळात अमोलने अश्पाकवर जोरदार हल्ला चढवला. हल्ला करण्यासाठी वापरण्यात आलेले हत्यार अमोल याला न्यायालयीन कोठडीत कुठून मिळाले, याबद्दल प्रश्नचिन्ह उपस्थित होत आहे. गेल्या अनेक घटनांत म्हापसा न्यायालयीन कोठडीत कोणतीही सुरक्षा नसल्याचेच उघड झाले आहे. न्यायालयीन कोठडीत शिक्षा भोगत असलेल्या कैद्यांकडे मोबाईल सापडणे, त्यांना अमली पदार्थ उपलब्ध होणे, चिकन, मटण, बिर्याणी वगैरे कैद्यांना तुरुंग रक्षकाकडून मिळत असल्याचे उघड झाले आहे.
दरम्यान, गेल्या वर्षी बेंग्रे याने तुरुंगातून सुपारी देऊन आपल्याविरुद्ध जबानी देण्यासाठी न्यायालयात येणाऱ्या एका व्यक्तीवर पणजी सत्र न्यायालयाच्या आवारात प्राणघातक हल्ला घडवून आणला होता. बेंग्रे व अमोल नाईक हे दोघेही एकमेकांचे पक्के वैरी असून यापूर्वीही त्यांच्या कोठडीत मारहाणीचे प्रकार घडले असल्याची माहिती न्यायदंडाधिकारी तथा म्हापशाचे उपजिल्हाधिकारी दशरथ रेडकर यांनी दिली. याची माहिती देणारे एक निवेदनही मुख्य तुरुंग महानिरीक्षकांना पाठवण्यात आले असून त्यात या दोघांपैकी एकाला या तुरुंगातून दुसऱ्या तुरुंगात हालवण्याची मागणी करण्यात आली होती. परंतु, त्याबाबत अद्याप कोणताही निर्णय घेतलेला नाही.

1 comment:

City Spidey said...

CitySpidey is India's first and definitive platform for hyper local community news, RWA Management Solutions and Account Billing Software for Housing Societies. We also offer residential soceity news of Noida, Dwarka, Indirapuram, Gurgaon and Faridabad.
You can place advertisement for your business on city spidey.

CitySpidey
Noida Local News
Noida News
Dwarka News
Dwarka Local News
Gurgaon News
Gurgaon Local News
Ghaziabad News
Ghaziabad Local News
Faridabad News
Faridabad Local News
Neighbourhood News
Local News
Noida Society News
Dwarka Society News
Gurgaon Society News
Ghaziabad Society News
Faridabad Society News
Indirapuram Society News
Indirapuram News
Indirapuram Local News
Delhi Local News