लंडन, दि. ११ : ब्रिटनमध्ये निर्माण झालेल्या राजकीय पेचप्रसंगावर लवकरच तोडगा निघण्याची शक्यता आहे. संसदेत सर्वात मोठा ठरलेला हुजूर पक्ष (कन्झर्वेटिव्ह पार्टी) आणि किंगमेकरच्या भूमिकेत असलेले लिबरल डेमोक्रॅट्स यांच्यात सर्वसहमती होण्याची चिन्हे दिसत आहेत.
सत्ताधारी मजूर पार्टीला मतदारांनी झिडकारून हुजूर पक्षाला सरकार स्थापनेसाठी जनादेश दिला आहे. मात्र, बहुमताचा ३२६ हा जादुई आकडा गाठण्यासाठी या पक्षाला २० खासदार कमी पडत आहेत. त्यासाठीच ५७ जागा जिंकून सत्तेच्या सारीपाटावर महत्त्वाची भूमिका बजावणाऱ्या लिबरल डेमोक्रेट्सशी त्यांची बोलणी सुरू आहे. मात्र, चार दिवस उलटून गेले तरीही त्यांच्यात सरकार स्थापनेसाठी समाधानकारक तोडगा निघू शकलेला नाही. परिणामी, ब्रिटनमध्ये सध्या राजकीय पेचप्रसंग निर्माण झाला आहे. त्याचा शेअर बाजारांवरही परिणाम दिसू लागला आहे.
Wednesday 12 May, 2010
Subscribe to:
Post Comments (Atom)
No comments:
Post a Comment