पणजी, दि. ४ (प्रतिनिधी): गोव्यातील रेती गोव्याबाहेर नेण्यास राज्य सरकारने बंदी घातली आहे. याबाबत खाण संचालनालयातर्फे आज दि. ४ रोजी जारी करण्यात आलेल्या आदेशानुसार खाण विकास कायदा ५७ अन्वये शुक्रवार दि. ४ पासून गोव्याच्या कोणत्याही भागात काढण्यात येणारी रेती गोव्याबाहेर नेता येणार नाही. तसा प्रयत्न करणार्यावर कठोर कायदेशीर कारवाई करण्यात येईल. गोव्यात काढण्यात येणारी रेती फक्त गोव्यासाठीच असावी, असे या आदेशात म्हटले आहे.
दरम्यान राज्यात अनेक ठिकाणी बेकायदा रेती उपसा होत असून सदर रेतीची मोठ्या प्रमाणात गोव्याबाहेर निर्यात केली जाते. या प्रकाराविरुद्ध जागोजागी स्थानिक लोक आवाज उठवू लागल्यामुळे हादरलेल्या राज्य सरकारने लोकांना चुचकारण्यासाठी हे पाऊल उचलल्याचे बोलले जात आहे. दरम्यान, केरी- पेडणे येथील नारायण सोपटे केरकर यांनी कालच केरी येथील बेकायदा रेती उत्खननाच्या विरोधात दि. ७ मार्चपासून खाण संचालनालयासमोर आमरण उपोषणाचा निर्धार जाहीर केला आहे.
Saturday 5 March, 2011
Subscribe to:
Post Comments (Atom)
No comments:
Post a Comment