आत्महत्येचा प्रकार?
पर्वरी, दि. ७ (प्रतिनिधी)
पर्वरी येथील कुबेर बार अँड रेस्टॉरंटमागील माहीम डोंगरात जंगलात एका झाडाला धडविरहित मुंडके लटकत असल्याची माहिती पर्वरी पोलिसांना देण्यात आली. पर्वरी पोलिस स्थानकाचे उपनिरीक्षक दिनेश गडेकर हे फौजफाट्यासह घटनास्थळी गेले असता सदर मुंडके झाडावर लटकत असल्याचे त्यांच्या निदर्शनास आले. तसेच जमिनीवर हाडे पसरली असल्याचे त्यांना दिसून आले. घटनास्थळी एक कपडे असलेली प्रवासी बॅग व जळगाव जिल्ह्यातील विवाह नोंदणी कार्यालयाचा ठसा असलेला फॉर्म सापडला. निरीक्षक गडेकर यांनी पंचनामा करून सदर मुंडके व हाडे पुढील तपासासाठी गोवा वैद्यकीय महाविद्यालय बांबोळी येथे पाठविण्यात आली आहेत. सदर प्रकार हा आत्महत्येचा असू शकतो असा अंदाज पोलिसांनी केला असून त्या दृष्टीने पर्वरी पोलिस तपास करत आहेत.
Tuesday 8 February, 2011
Subscribe to:
Post Comments (Atom)
No comments:
Post a Comment