१५ अधिकाऱ्यांना दिवाळीची 'भेट'

पणजी,दि.४ (प्रतिनिधी): राज्य प्रशासकीय सेवेतील १५ वरिष्ठ अधिकाऱ्यांना वरिष्ठ प्रशासकीय वेतनश्रेणी लागू करून खास दिवाळीची अनोखी भेट दिली आहे.कार्मिक खात्यातर्फे आज संध्याकाळी यासंबंधीचा आदेश जारी करण्यात आला.या प्रकरणी प्राप्त झालेल्या माहितीनुसार राज्य प्रशासकीय सेवेतील १५ वरिष्ठ अधिकाऱ्यांना ही बक्षिसी देण्यात आली आहे.वरिष्ठ प्रशासकीय वेतनश्रेणी लागू केल्यानंतर या अधिकाऱ्यांच्या पदांत जरी बदल होणार नसला तरी त्यांच्या वेतनातनक्कीच वाढ होणार आहे. त्यामुळे ही बढती त्यांच्यासाठी दिवाळीची अनोखी भेट ठरली आहे.