व्याजदरात पाव टक्क्यांची वाढ

मुंबई, दि. २ : देशातील महागाईचा दर दिवसेंदिवस वाढतच असल्याने त्यावर अंकुश ठेवण्याच्या दृष्टीने रिझर्व्ह बॅंकेने रेपो आणि रिव्हर्स रेपो अशा दोन्ही व्याजदरांमध्ये पाव टक्क्यांनी वाढ केली आहे. आज जाहीर झालेल्या पतधोरणाच्या तिमाही आढाव्यात रिझर्व्ह बॅंकेचे गव्हर्नर डी. सुब्बाराव यांनी ही घोषणा केली. नव्या बदलांनुसार रेपो दर ६.२५ टक्के तर रिव्हर्स रेपो दर ५.२५ टक्के होणार आहे.