Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Friday 12 February, 2010

दाभाळ येथे आगीत ४.५ लाखांचे नुकसान

फोंडा व कुडचडे, दि. ११ ( प्रतिनिधी): वयलोवाडो दाभाळ किर्लपाल येथील डॉ. सिद्धार्थ शिरोडकर यांच्या सुपारी, नारळ साठवून ठेवलेल्या गोदामाला आज संध्याकाळी ५ च्या सुमारास आग लागल्याने अंदाजे ४.५ लाख रुपयांची हानी झाली आहे. गोदामात साठवून ठेवलेली सुपारी, नारळ, सुपारी सोलण्याचे एक यंत्र, फर्निचर आगीच्या भक्ष्यस्थानी पडले. यात ४ रिकाम्या गॅस सिलिंडरांचा समावेश होता. फोंडा व कुडचडे येथील अग्निशामक दलाच्या जवानांनी आग विझवली. आग एवढी भयानक होती की ती विझवण्यासाठी तेथील ओहोळातून पाणी खेचण्यात आले. सुमारे १ तास पाणी खेचण्याचे काम सुरू होते. आगीचे कारण समजू शकले नसले तरी शॉर्ट सर्कीटमुळे आग लागल्याचा प्राथमिक अंदाज अग्निशामक दलाने वर्तवला आहे.

No comments: