Thursday 22 October, 2009
मालगोंडाच्या नातेवाइकांची पोलिसांना नोटिस
मडगाव बॉंबस्फोटात निधन झालेल्या मालगोंडा पाटील याचा मृतदेह ताब्यात घेण्यासाठी सांगली येथून आलेल्या त्याच्या नातेवाइकांना शवचिकित्सा न झाल्याची सबब पुढे करून मृतदेह देण्यास टाळाटाळ करणाऱ्या पोलिसांना कायदेशीर नोटिस बजावण्यात आली आहे. घटना घडल्यानंतर ७२ तास उलटूनही मृतदेह देण्यास पोलिसांनी नकार दिल्याचे मालगोंडा याच्या वडिलांनी आपल्या वकिलामार्फत मडगाव पोलिसांना बजावलेल्या नोटिशीत म्हटले आहे. मालगोंडा याचा मृतदेह सांगली येथील त्याच्या निवासस्थानी पोचता करावा तसेच सांगली येथून मृतदेह नेण्यासाठी आणलेल्या शववाहिकेचे भाडे मिळून एकूण २० हजार खर्च चुकता करावा, अशी मागणी त्यांनी केली आहे. अन्यथा, न्यायालयात जाण्याचा इशारा त्यांनी दिला आहे.
Subscribe to:
Post Comments (Atom)
No comments:
Post a Comment