प्रादेशिक भाषा विभाग 'अंतर्नाद' ला राष्ट्रीय पुरस्कार

पणजी दि. १० (सांस्कृतिक प्रतिनिधी): गोव्यातील ४ था राज्य पुरस्कार विजेता राजेंद्र तालक यांच्या "अंतर्नाद' या कोकणी चित्रपटास प्रादेशिक भाषेत प्रथम राष्ट्रीय पुरस्कार मिळाला असून, "अंतर्नाद' चित्रपटाला एकूण पाच राष्ट्रीय पुरस्कार मिळाल्याचे राजेंद्र तालक यांनी येथे घेतलेल्या एका पत्रकार परिषदेत सांगितले.
प्रादेशिक भाषेत उत्कृष्ट दिग्दर्शक - राजेंद्र तालक, राष्ट्रीय भाषेत उत्कृष्ट संगीत- अशोक पत्की (अंतर्नाद) उत्कृष्ट गायिका आरती अकंलीकर / टिकेकर, बालकलाकार- दिव्या चाफाडकर यांना आपल्या चित्रपटाला पुरस्कार मिळेल याची खात्री होती पण वैयक्तिक एवढे पुरस्कार मिळतील की नाही याची खात्री नव्हती. पण जेव्हा फोनवरून ही बातमी कळली तेव्हा आनंद द्विगुणित झाला व आम्ही केलेल्या कष्टांचे चीज झाल्या सारखे वाटले असे श्री.राजेंद्र तालक यांनी सांगितले.