पणजी, दि.१३ (प्रतिनिधी): राज्यातील नगरपालिकांसाठी दि. ३१ ऑक्टोबर रोजी होणाऱ्या निवडणुकीसाठी आज अर्ज मागे घेण्याच्या दिवशी अनेकांनी आपले उमेदवारी अर्ज मागे घेतल्याने ११ पालिकांच्या १३४ प्रभागांतून एकूण ५९४ उमेदवार रिंगणात उरले आहेत. वाळपई व मुरगाव नगरपालिकांत प्रत्येकी एक उमेदवार बिनविरोध निवडून आला आहे तर पेडणे येथील ९ प्रभागात अनुसूचित जमातीचा उमेदवारच नसल्याने व अन्य कुणीही उमेदवारी दाखल न केल्याने तेथे निवडणूकच होणार नाही.
फोंडा व साखळी पालिकांचा कार्यकाळ अजून संपला नसल्याने राज्यातील १३ नगरपालिकांपैकी ११ पालिकांसाठी दि. ३१ ऑक्टोबर रोजी निवडणूक होत आहे. आज या सर्व उमेदवारांना चिन्हांचे वाटप नावांच्या आद्याक्षराप्रमाणे करण्यात आले. विमान, कपाट, बाहुली, बॉल, कॅमेरा, कार, पाकीट, दार आदी चिन्हांचा यात समावेश आहे. अनेक ठिकाणी समझोते झाल्याने संघर्षमय लढती टळल्या आहेत तर अनेक ठिकाणी संघर्षमय अशा दुरंगी लढती होणार आहेत. रात्री उशिरापर्यंत चिन्हांचे वाटप सुरू होते.
पालिका ग्राह्य अर्ज माघार शिल्लक
पेडणे ५१ ८ ४३
डिचोली ५७ १५ ४२
म्हापसा ७७ २३ ५४
वाळपई ४९ ११ ३८
सांगे ५२ १५ ३७
काणकोण ४२ १० ३२
केपे ३७ १ ३६
कुडचडे/काकोडा ८२ २३ ५९
मडगाव १२४ २७ ९७
कुंकळ्ळी ५४ ८ ४६
मुरगाव १४१ ३१ ११०
Thursday 14 October, 2010
Subscribe to:
Post Comments (Atom)
No comments:
Post a Comment