रेल्वेखाली सापडून वास्कोत एक ठार

वास्को, दि. ४ (प्रतिनिधी): वास्को रेल्वेस्थानकावरून आज दुपारी ३.१० च्या सुमारास दिल्लीला जाण्यासाठी निघालेल्या "गोवा एक्सप्रेस'च्या स्लीपर कोचमध्ये चढण्याच्या प्रयत्नात असलेल्या ३५ वर्षीय अज्ञाताचा हात सुटून तो रेल्वेखाली सापडला आणि जागीच ठार झाला.
मृताची ओळख रात्री उशिरापर्यंत ओळख पटली नव्हती. वास्को रेल्वे पोलिस सदर प्रकरणाचा तपास करीत आहेत.
रेल्वे पोलिसांना अपघाताची माहिती मिळताच त्यांनी त्वरित घटनास्थळी जाऊन अपघाताचा व मृतदेहाचा पंचनामा केला. मृतदेह चिकित्सेसाठी मडगावच्या हॉस्पिसियू इस्पितळात पाठवण्यात आला आहे. ओळख पटवता येईल असे कोणतेही कागदपत्र मृताच्या खिशात सापडले नाहीत. मयताची उंची सुमारे पाच फूट अकरा इंच आहे. उपनिरीक्षक अमरनाथ पासी यांच्या मार्गदर्शनाखाली तपास सुरू आहे.