रेल्वेच्या धडकेने बिबटा मृत्युमुखी

काणकोण, दि. ११ (प्रतिनिधी): घोडेव्हाळ - बाळ्ळी येथे काल रात्री तीनच्या दरम्यान रेल्वेला आदळल्यामुळे एक बिबटा मृत्युमुखी पडला. आज संध्याकाळी रुळांची तपासणी करणाऱ्या कर्मचाऱ्याला हा मृत बिबटा दिसला. त्याचा पुढचा एक मागचा एक पाय तुटला होता. जबड्यालाही जखमा झाल्या होत्या. यासंबंधी वन्यजीव संरक्षण केंद्राला कळवण्यात आले. पशुचिकित्सक प्रशांत नाईक यांनी मृत बिबट्याची तपासणी केल्यानंतर त्याला दफन करण्यात आले.