अल्पवयीन मुलीच्या अपहरणाची तक्रार

पणजी, दि. २० (प्रतिनिधी) - दोना पावला येथील एका अल्पवयीन मुलीचे अपहरण केल्याची तक्रार तिच्या वडिलांनी पणजी पोलिस स्थानकावर नोंद केली आहे.
सदर मुलीच्या वडिलांनी केलेल्या तक्रारीमध्ये, १६ डिसेंबर २००८ रोजी १८ जून रोडवर असलेल्या "सनराइज' या इमारतीत राहणारा रजनू राजू खान या युवकाने आपल्या १७ वर्षीय मुलीचे अपहरण केल्याचे म्हटले आहे. दरम्यान,हे अपहरण १६ रोजी झाले असले तरी त्याबाबतची तक्रार १९ रोजी दाखल करण्यात आली आहे. पोलिसांनी याप्रकरणी भारतीय दंड संहितेच्या कलम ३६३ व गोवा बालहक्क कायद्याच्या कलम ८ नुसार गुन्हा नोंद करून घेतला असून पुढील तपास सुरू आहे.