Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Saturday 20 September, 2008

कुडचडे येथे अपघातात एक ठार, तीन जखमींपैकी एक गंभीर


कुडचडे, दि. १९ (प्रतिनिधी): येथील नवधातू प्रकल्पाजवळ मारुती स्विफ्टने रस्त्यावरून जाणाऱ्या पादचाऱ्यांना जोरदार धडक दिल्याने फेलिक्स परेरा (वय अंदाजे ६४, रा. कावोरी चांदर) यांचे घटनास्थळी निधन झाले तर अन्य तिघे जखमी झाले आहे. यातील एकाची स्थिती गंभीर आहे.
यासंदर्भात मिळालेल्या माहितीनुसार शुक्रवारी संध्याकाळी ६ वाजता फेलिक्स परेरा अन्य तीन कामगारांसोबत चालत जात असता कुडचडे - मडगावमार्गे भरधाव वेगाने जाणाऱ्या स्विफ्ट वाहनाची (जीए ०८ १२१४) धडक फेलिक्स व अन्य तीन कामगारांना बसली. यावेळी सर्वजण रस्त्याच्या बाजूला असलेल्या झुडपात फेकले गेले. भरधाव वेगाने असलेली गाडी रस्त्याच्या कडेला असलेल्या झाडावर आदळून पुन्हा रस्त्यावर येऊन स्थिरावली.
सदर घटनेनंतर सुमारे १५ मिनिटांनी कुडचडे येथील १०८ व १०२ क्रमांकाच्या रुग्णवाहिका घटनास्थळी दाखल झाल्या. यावेळी स्थानिकांच्या मदतीने जखमींना वाहनात ठेवण्यात आले असता डॉक्टरांनी फेलिक्स यांना मृत घोषित केले. घटनेची माहिती मिळाल्यावर कुडचडे पोलिसांनी घटनास्थळी दाखल होऊन पंचनामा केला. रात्री उशिरापर्यंत जखमींची नावे कळू शकली नव्हती. यानंतर जखमींना मडगावातील हॉस्पिसियू इस्पितळात दाखल करण्यात आले.

No comments: