कर्नाटकमध्ये मंत्रिमंडळ विस्तार

सहा मंत्र्यांचा समावेश
बंगलोर, दि. २३ : कर्नाटकचे मुख्यमंत्री बी.एस.येदियुरप्पा यांनी सहा मंत्र्यांना स्थान देत आपल्या मंत्रिमंडळाचा आज विस्तार केला. आज राजभवनात सहा नवीन मंत्र्यांचा शपथविधी पार पडला. राज्यपाल हंसराज भारद्वाज यांनी नव्या मंत्र्यांना पद आणि गोपनीयतेची शपथ दिली. या नव्या मंत्र्यांमध्ये ए.नारायणस्वामी, सी.एच.विजयशंकर, सी.सी.पाटील, शोभा करंडलाजे, व्ही. सोमण्णा आणि एस.ए.रामदास यांचा समावेश आहे.
२८ महिन्यांच्या कार्यकाळात येदियुरप्पांनी प्रथमच हा विस्तार केला आहे. या विस्तारानंतर येदियुरप्या यांच्या मंत्र्यांची संख्या ३४ वर पोहोचली आहे. आजच्या शपथग्रहण सोहळ्याला मंत्रिमंडळातील सहकाऱ्यांसह भाजपचे राष्ट्रीय महासचिव अनंतकुमार हेही उपस्थित होते.