मेधा पाटकर आज पणजीत

पणजी, दि.१९(प्रतिनिधी): नर्मदा बचाव आंदोलनाच्या नेत्या मेधा पाटकर यांचे उद्या २० रोजी पणजीत आगमन होणार आहे. विशेष आर्थिक विभाग(सेझ) संबंधी खास जनता दरबार भरवण्यात येणार असून यावेळी त्या आंदोलकांना मार्गदर्शन करणार आहेत.
"सेझ विरोधी मंच' तर्फे उद्या २० रोजी सकाळी १० वाजता पणजी येथील कारीतास सभागृहात "सेझ'संबंधी खास जनता दरबार भरवण्यात येणार आहे. हा कार्यक्रम पूर्ण दिवस चालणार असून त्यात देशातील विविध ठिकाणाहून आलेल्या बिगर सरकारी संस्था, पर्यावरणीय संस्था, तथा विविध क्षेत्रातील नेते उपस्थित राहणातील."सेझ' आंदोलक तथा शेतकऱ्यांना श्रीमती पाटकर मार्गदर्शन करणार आहेत. ही माहिती संस्थेचे नेते प्रवीण सबनीस यांनी दिली.