आयरिश यांची सुप्रीम कोर्टात याचिका

पणजी, दि.२९ (प्रतिनिधी) - ऍडव्होकेट जनरल सुबोध कंटक यांनी उच्च न्यायालयाच्या निवाड्याला सर्वोच्च न्यायालयात आव्हान दिल्यास सदर याचिका दाखल करून घेण्यापूर्वी आपले म्हणणे ऐकून घ्यावे असा विनंती अर्ज समाजकार्यकर्ते ऍड.आयरिश रॉड्रिगीस यांनी सर्वोच्च न्यायालयाला सादर केला.संभाव्य न्यायालयीन कारवाई स्थगित करण्याच्या कायदेशीर तरतुदीला अनुसरून सदर अर्ज ऍड.रॉड्रिगीस यांनी सर्वोच्च न्यायालयात सादर केला आहे.
ऍड.आयरिश रॉड्रिगीस यांनी ऍड. कंटक यांच्यावर दाखल केलेल्या फौजदारी याचिकेवर मुंबई उच्च न्यायालयाच्या गोवा खंडपीठाचे न्यायमूर्ती एन.ए. ब्रिटो यांनी आपला ३४ पानी निवाडा ऍड.आयरिश रॉड्रिगीस यांच्या बाजूने देताना त्यांना प्रश्न विचारण्याची परवानगी दिली होती.ऍड.जनरल सुबोध कंटक यांची कार्यक्षमता, त्यांचे चारित्र्य तथा त्यांच्या लौकिकासंदर्भात प्रश्न विचारले जाऊ नयेत, असा निवाडा प्रथम वर्ग न्यायदंडाधिकारी एडगर फर्नांडिस यांनी सुबोध कंटक यांनी ऍड.रॉड्रिगीस यांच्यावर गुदरलेल्या मानहानी खटल्यात दिला होता.सदर निवाड्याला ऍड.आयरिश यांनी मुंबई उच्च न्यायालयात आव्हान दिले आहे.