Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Wednesday 24 June, 2009

मिकीविरोधी निवेदनावर सह्या करण्यास कॅसिनोवरील कर्मचाऱ्यांचा नकार

मडगाव, दि. २३ (प्रतिनिधी) - पर्यटनमंत्री मिकी पाशेको विरुध्दच्या कॅसिनो प्रकरणाला वेगळेच वळण मिळण्याची चिन्हे दिसत आहेत व त्यातून सदर कॅसिनोचालक व तेथील कर्मचारी यांच्यात संघर्ष उद्भवला आहे. तेथील सुमारे ३६ कर्मचाऱ्यांनी कोलवा पोलिसांकडे कॅसिनो चालक आपणावर एका लेखी निवेदनावर सही करण्यासाठी दडपण आहेत व सही न केल्यास कामावरून काढून टाकण्याची धमकी देत आहेत, अशी तक्रार केली आहे.
ट्रेजर्स कॅसिनोवर काम करणारे हे सारे परप्रांतीय असून त्यांच्या तक्रारीनुसार कॅसिनो चालकांनी मिकीविरुध्द जी तक्रार केली आहे त्याच्या पुष्ट्यर्थ गुन्हा अन्वेषण विभागाला सादर करण्यासाठी हे चारपानी निवेदन तयार केलेले आहे , पण हे निवेदन आपण जे काही अगोदर सांगितलेले आहे तसे नाही तसेच त्यातील बहुतेक मुद्देही खरे नाहीत कारण व्यवस्थापनाने मिकीविरुध्द गुदरलेली तक्रारच मुळी खोटी आहे, असा दावा करून त्यासाठीच आपणा सर्वांनी त्या निवेदनावर सह्या करण्यास नकार दिला व त्यामुळेच ते आता आम्हा सर्वांना कामावरून कमी करण्याची धमकी देत आहेत व ती तक्रार खरी असल्याचे सिध्द करण्यासाठी व्यवस्थापन कोणत्याही थरावर जाण्याची भीतीही त्यांनी व्यक्त करून आपणापैकी कोणालाही कोणताही धोका पोचला तर व्यवस्थापनाला जबाबदार धरावे,अशी विनंती या तक्रारीत केली आहे.

No comments: