फ्लॅट फोडून १.८१ लाखांचे दागिने लंपास
पणजी, दि. २८ (प्रतिनिधी) - म्हापसा येथे आज दिवसभरात अज्ञात चोरट्यांनी दोन फ्लॅट फोडून १ लाख ८१ हजार रुपयांची चोरी केली. म्हापसा पोलिस स्थानकापासून केवळ दहा मीटर अंतरावर असलेल्या शिल्पा कामत यांच्या मालकीच्या फ्लॅटमधे दुपारी २.३० ते ५.१० याच्या दरम्यान चोरट्यांनी मुख्य दाराचे कुलूप तोडून ९६ हजारांचे सोने पळवले तर, खोर्ली येथील कायतान पॉल रेसिडेन्सी मधे संजय आनंद कवळेकर यांच्या फ्लॅटमधे प्रवेश करून ७७ हजार रुपयांचे दागिने व ८ हजार रुपयांची रोकड लांबवली. ही चोरी सकाळी १० ते १ च्या दरम्यान केल्याचे तक्रारदार संजय कवळेकर यांनी म्हटले आहे. या दोन्ही चोऱ्यांचा तपास म्हापसा पोलिस स्थानकाचे उपनिरीक्षक उदय गावडे व उपनिरीक्षक हरिष भट्टा करीत आहेत.
Friday 29 May, 2009
Subscribe to:
Post Comments (Atom)
No comments:
Post a Comment