पणजी, दि. 3 (प्रतिनिधी) - "सेझ' रद्द करण्याचा निर्णय आपण यापूर्वीच जाहीर केला आहे व आपण अजूनही या निर्णयाशी ठाम आहे. केंद्र सरकारने पाठवलेल्या पत्रासंबंधी त्यांना उत्तर पाठवण्यात येणार असल्याची माहिती मुख्यमंत्र्यांनी दिली. आज या विषयावर चर्चा करण्यासाठी त्यांनी खासदारांना आमंत्रित केले होते. आल्तीनो येथील त्यांच्या सरकारी निवासस्थानी झालेल्या बैठकीत खासदार शांताराम नाईक,मुख्य सचिव जे.पी.सिंग, ऍडव्होकेट जनरल सुबोध कंटक आदी हजर होते. "सेझ' रद्द करण्याबाबत कायदेशीर सल्ला घेण्यात येणार असून विविध कंपनीकडून केल्या जाणाऱ्या संभावित नुकसान भरपाईबाबतही योग्य ती दक्षता घेऊ असेही ते म्हणाले.
सहाव्या वेतन आयोगाला "थांबा'
सहाव्या वेतन आयोगाचा अहवाल केंद्र सरकारकडे मान्यतेसाठी असून तो कधीही लागू होण्याची शक्यता आहे. त्यामुळे या आयोगाने केलेल्या शिफारशी लागू होणारच आहे, असे विधान मुख्यमंत्री दिगंबर कामत यांनी केले. वेतनश्रेणीत समानता आणण्याची संघटनेची मागणी पूर्ण करण्यासाठी सुमारे 40 हजार कर्मचाऱ्यांना वाढ दिल्यास 80 ते 90 कोटींचा भार पडणार आहे व त्यासाठी वित्त खाते तयार नाही. त्यामुळे सुमारे दोन हजार कर्मचाऱ्यांना दिलेली वाढ मागे घेण्याबाबत सरकार ठाम असल्याचे ते म्हणाले. सरकारी कर्मचाऱ्यांनी हा निर्णय मान्य करून आपले आंदोलन मागे घ्यावे असे आवाहन त्यांनी केले.
Tuesday 3 June, 2008
Subscribe to:
Post Comments (Atom)
No comments:
Post a Comment