Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Sunday 9 January, 2011

पन्नास टक्के प्रभाग राखीव

महिलांसाठी ७, ओबीसींसाठी ५
६ मार्च किंवा १२ मार्चला निवडणूक घेण्याचा प्रस्ताव

पणजी, दि. ८ (प्रतिनिधी)
पणजी महापालिकेच्या निवडणुकीची तारीख अजून जाहीर झालेली नसली तरी पालिका संचालनालयाच्या निर्देशानुसार गोवा निवडणूक आयोगाने पणजी महापालिकेतील राखीव प्रभागांची घोषणा केली आहे. त्यानुसार ३० प्रभागांपैकी १५ प्रभाग राखीव होणार आहेत. त्यातील ७ प्रभाग महिलांसाठी राखीव असून ५ प्रभाग ओबीसींसाठी राखीव आहेत. विशेष म्हणजे अनुसूचित जमाती व अनुसूचित जातींसाठी एकही प्रभाग राखीव नाही.
दरम्यान या निवडणुकीसाठी इलेक्ट्रॉनिक यंत्रांद्वारे मतदान होणार आहे. त्यासाठी ५० यंत्रे सज्ज ठेवण्यात आली आहेत. २००६ च्या निवडणुकीत ३४ यंत्रांचा वापर करण्यात आला होता. यावेळी मतदार वाढल्याने ४५ ते ५० यंत्रांचा वापर होण्याची शक्यता आहे. राज्य सरकारने गोवा निवडणूक आयोगाला ६ किवा १२ मार्च रोजी मतदान घेण्याचा प्रस्ताव सादर केला आहे.

No comments: