माजोर्डा वार्का येथील २७ शॅक्स जमीनदोस्त

मडगाव,दि. १९ (प्रतिनिधी): उच्च न्यायालयाच्या बडग्यानंतर पर्यटन खात्याने राज्याच्या विविध किनाऱ्यांवरील बेकायदा शॅक्सविरुद्ध जोरदार मोहीम हाती घेतली आहे. त्याअंतर्गत आज (शनिवारी) वार्का ते माजोर्डादरम्यानचे किमान २७ शॅक्स पाडण्यात आले. त्याबरोबरच काही शॅक्सनी केलेले विस्तारकामही हटवण्यात आले.
याप्रसंगी उपजिल्हाधिकारी संजीव देसाई, मामलेदार परेश फळदेसाई, पर्यटन संचालक एल्विस गोम्स उपस्थित होते. या कामात अडथळा येण्याची शक्यता गृहीत धरून कडक पोलिस बंदोबस्त ठेवण्यात आला होता.