दोन भारतीय कामगारांचे अफगाणमध्ये अपहरण

काबूल, दि.२२ : रस्ता बांधकाम संस्थेशी संलग्न असलेल्या दोन भारतीय कामगारांचे आणि एका टॅक्सी चालकाचे तालिबानी बंडखोरांनी अपहरण केले असल्याची माहिती पोलिसांनी दिली.
हे कामगार हेरातहून काबूलकडे जात असताना तालिबानी बंडखोरांनी त्यांना अडविले आणि बंदुकीचा धाक दाखवत त्यांचे अपहरण केले, असे पोलिस सूत्रांनी सांगितले.
गेल्या १२ एप्रिल रोजी तालिबानच्या आत्मघाती बॉम्बर्सने भारतीय ताफ्यावर हल्ला करून दोन भारतीय अभियंत्यांना ठार केले होते. भारतीय कामगार आणि अभियंत्यांनी अफगाण सोडून जावे, अशी या बंडखोरांची मागणी आहे.