पणजी, दि. १६ (प्रतिनिधी): क्षुल्लक कारणावरून झालेल्या वादातून सख्ख्या भावाच्या डोक्यावर कुदळीच्या साह्याने वार करून खून केल्याची घटना सान्ताक्रुज पणजी येथे काल रात्री घडली. या हल्ल्यात ईश्वर गावस (४०) याचा मृत्यू झाला असून धाकटा भाऊ श्याम गावस (३०) याला जुने गोवे पोलिसांनी अटक केली आहे.
काल रात्री दोघा भावात कडाक्याचे भांडण झाल्यानंतर श्याम याने कुदळीने ईश्वर याच्या डोक्यावर जोरदार वार केला. यावेळी जखमी अवस्थेत त्याला गोवा वैद्यकीय महाविद्यालय इस्पितळात दाखल करण्यात आले होते. आज पहाटे उपचार सुरू असतानाच त्याचा मृत्यू झाला असल्याचे पोलिसांनी सांगितले. याविषयीचा अधिक तपास जुने गोवा पोलिस स्थानकाचे निरीक्षक आशिष शिरोडकर करीत आहेत.
Tuesday 17 November, 2009
Subscribe to:
Post Comments (Atom)
No comments:
Post a Comment