बक्षीस वितरण २२ रोजी
पणजी, दि. १९ (प्रतिनिधी) : दै. "गोवादूत'तर्फे आयोजित स्व.सुशांत नाईक स्मरणार्थ छायाचित्र स्पर्धेचा निकाल जाहीर करण्यात आला असून, सौ. वंदना गुरुदास प्रभू यांना पहिले बक्षीस (५ हजार रु.) मिळाले आहे. ३ हजारांचे दुसरे बक्षीस निरीक्षा सुदिन पै काणे (मेरशी) यांना, तर तिसरे बक्षीस (२००० रु.) कु. अक्षय सावर्डेकर याला मिळाले आहे. उत्तेजनार्थ प्रत्येकी १ हजारांची बक्षिसे हरित चंद्रहास तळपणकर व नवदीप जॉन आगियार यांना मिळाली आहेत.
"गोवादूत'चे लाडके छायाचित्रकार सुशांत नाईक यांचा अपघाती मृत्यू झाला होता. त्यांच्या स्मरणार्थ ही स्पर्धा दरवर्षी आयोजिली जाते. यावर्षीही या स्पर्धेला भरघोस प्रतिसाद मिळाला. "गोवादूत'च्या वर्धापनदिनी म्हणजेच २२ मे रोजी संध्याकाळी ५ ते ८ दरम्यान आयोजित स्वागत समारंभात बक्षीस वितरण केले जाणार आहे. यावेळी विजेत्यांनी उपस्थित राहावे, असे आवाहन करण्यात आले आहे.
Wednesday 20 May, 2009
Subscribe to:
Post Comments (Atom)
No comments:
Post a Comment