सेवेत कायम न केल्यास जूनपासून तीव्र आंदोलन

अंगणवाडी सेविकांचा इशारा
पणजी, दि. 11 (प्रतिनिधी) : अंगणवाडी सेविकांना येत्या 30 मे पर्यंत सरकारी सेवत कायम न केल्यास व वेतनश्रेणी न लावल्यास जूनपासून तीव्र आंदोलन छेडण्याचा इशारा अखिल गोवा राज्य अंगणवाडी कर्मचारी संघटनेने दिला आहे. तसेच में महिन्याच्या अखेरीस पर्यंत निवृत्ती वेतनाचा फायदा लागू केल्याचे परिपत्रक काढण्यांचीही जोरदार मागणी करण्यात आली आहे.
10 मे रोजी सर्व केंद्रीय समित्या आणि तालुका समित्यांच्या बैठकीत हा निर्णय झाला. ही माहिती संघटनेच्या अध्यक्षा सौ. मुक्ता प्र. नाईक यांनी दिली.
महिला व बालविकास खात्याने अंगणवाडी सेविका व मदतनीस म्हणून अपंग उमेदवार घेताना योग्य ती काळजी घ्यावी. त्याचा परिणाम अंगणवाडीतील मुलांच्या शारीरिक व मानसिक विकासावर होऊ शकतो, असे मत या संघटनेच्या पदाधिकाऱ्यांनी व्यक्त केला आहे.