Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Monday 25 August, 2008

मुख्यमंत्रिपदी शिबू सोरेन

रांची, दि. २५ : झारखंड मुक्ती मोर्चाचे प्रमुख शिबू सोरेन झारखंडचे मुख्यमंत्री बनले असून त्यांचा शपथविधी आज (सोमवारी) रात्री पार पडला. त्यांना राज्यपाल सईद सिब्ते रझी यांनी पद व गुप्ततेची शपथ दिली.
आधीचे मुख्यमंत्री मधू कोडा, अपक्ष आमदार स्टीफन मरांडी व राष्ट्रीय जनता दलाचे प्रमुख तथा रेल्वेमंत्री लालूप्रसाद यादव यांनी सोरेन यांना पाठिंबा देण्याचे मान्य केले आहे. सोरेन हे अशा प्रकारे या राज्याचे मुख्यमंत्री दुसऱ्यांदा बनले आहेत. २२ जुलै रोजी केंद्रातील संयुक्त पुरोगामी आघाडीच्या सरकारला विश्वासदर्शक ठरावाच्या वेळी सोरेन यांनी पाठिंबा दिला होता. त्यावेळी त्यांना झारखंडचे मुख्यमंत्रिपद बहाल करण्याचे आश्वासन देण्यात आले होते. येत्या १ सप्टेंबरपूर्वी बहुमत सिद्ध करण्याची मुदत त्यांना राज्यपालांनी दिली आहे. आपल्याला ४२ आमदारांचा पाठिंबा असल्याचा दावा सोरेन यांनी केला आहे.

No comments: