पणजी, दि. ११ (प्रतिनिधी) - खोबरावाडो कळंगुट येथील एका गेस्ट हाऊसमध्ये तीन तरुणींसोबत व्यभिचार करताना चौघा डॉक्टरांना कळंगुट पोलिसांनी ताब्यात घेतले असून संबंधित डॉक्टर बेळगाव येथील एका नामवंत वैद्यकीय संस्थेतील असल्याचे सांगण्यात आले. चौघांनाही अटक करून प्रत्येकी दहा हजारांच्या हमीवर सुटका करण्यात आली तर, तिन्ही तरुणींची मेरशी येथील सुधारगृहात रवानगी करण्यात आली आहे.
विचित्र अवस्थेत या डॉक्टरांना पोलिसांनी ताब्यात घेतल्याने अटकेची संपूर्ण कारवाई होत असताना या डॉक्टरांनी आपल्या तोंडांवर रुमाल बांधले होते.
खोबरावाडो येथील येथील एकागेस्ट हाऊसमध्ये तीन तरुणींबरोबर चौघे तरुण आल्याची माहिती कळंगुटचे पोलिस निरीक्षक नॉलास्को रापोझ यांना मिळाली होती. त्यानुसार रापोझ यांनी पोलिस पथकासह रात्री अचानक त्या गेस्ट हाऊसवर छापा टाकून एका खोलीची तपासणी केली असता तीन तरुणींबरोबर चौघा डॉक्टरांना रंगेहाथ पकडले.
या तिन्ही तरुणी मुंबईच्या असून राज आणि विशाल नामक दलालांनी पुरवल्या होत्या, अशी माहिती या डॉक्टरांनी पोलिसांना दिली आहे. आता पोलिस या दोन्ही दलालांच्या शोधात आहेत.
Monday 12 October, 2009
Subscribe to:
Post Comments (Atom)
No comments:
Post a Comment