'बीडीआर'चे बंड हा कट्टरपंथीयांचा कट
ढाका, दि. २८ : बांगलादेश रायफल्सच्या "बीडीआर'च्या जवानांनी केलेले बंड म्हणजे कट्टरपंथीयांचा नियोजनबद्ध कट असल्याचे बांगलादेशचे लष्कर प्रमुख जनरल मोईन अहमद यांनी म्हटले आहे. दरम्यान ढाक्यात आणखी तीन मृतदेह आढळून आले आहेत. त्यामुळे बांगलादेशातील परिस्थिती दिवसेंदिवस चिघळत चालली आहे.
गेल्या काही दिवसांपासून वेतनवाढीच्या मुद्यावरून बीडीआर व लष्कर यांच्यात तीव्र मतभेद उफाळून आले आहेत. त्याचे पर्यवसान परस्परांवर हल्ले करण्यात झाले आहे. "बीडीआर'च्या मुख्यालयातून प्रचंड दारुगोळाही गायब झाला असल्याने हा एक कट असल्याची बाब समोर आली आहे. हा दारुगोळा शोधण्यासाठी या भागात पोलिस आणि सैन्य दलाने जोरदार तपासणी अभियान सुरू केले आहे.
आतापर्यंत ३०० जवानांना ताब्यात घेण्यात आले गेले असून त्यांच्यावर हत्या केल्याचा गुन्हा दाखल करण्यात आल आहे. या हल्ल्यात ६८ अधिकारी ठार झाले होते.
Sunday 1 March, 2009
Subscribe to:
Post Comments (Atom)
No comments:
Post a Comment